ओलम्पिक उद्घाटन समारोहका अद्भुत दृश्य
फ्रान्सको राजधानी पेरिसमा चित्ताकर्षक शैलीमा ग्रीष्मकालीन ओलम्पिक उद्घाटन गरिएको छ।
सेन नदी सँगसँगै हजारौं खेलाडी कला प्रदर्शन गर्दै उद्घाटन समारोहमा सहभागी भएका थिए। ओलम्पिक उद्घाटन समारोहका लागि पहिलो पटक जलमार्गको प्रयोग गरिएको थियो।
![olympics (31).jpg](https://www.himalkhabar.com/uploads/editor/Sports/peris olympics/olympics (31).jpg)
फ्रान्सका जुडोका महान् खेलाडी टेडी रिनर र मारी जोस पेरेकले पेरिसको आकाशमाथि उडेको तातो हावाको बेलुन जस्तो आकारको कल्ड्रन प्रज्वलित गर्दै ओलम्पिकको शुभारम्भ गरेका थिए। चार घण्टा चलेको उद्घाटन समारोहमा विभिन्न कला प्रदर्शन गरिएको थियो।
संसारका विभिन्न देशका ६ हजार ८०० खेलाडी र २०५ जना आगन्तुकले ८५ वटा डुंगामा फ्रान्सको प्रख्यात अस्ट्रेलिज ब्रिज पार गर्दासम्म आकाशमा रातो, सेतो र नीलो आतिसबाजी गरिएको थियो। जुन दृश्य अद्भुत थियो।
![olympics (23).jpg](https://www.himalkhabar.com/uploads/editor/Sports/peris olympics/olympics (23).jpg)
उद्घाटन समारोहमा आकर्षक सांगीतिक प्रस्तुति राखिएको थियो। जसमा अमेरिकी गायिका एवं गीतकार लेडी गागाको क्याबरे नम्बर र क्यानडेली आइकन सेलिन डियोनको रिटर्न पनि समावेश थिए।
पेरिस ओलम्पिकलाई अवरोध गर्न फ्रान्सको रेलमार्गमा आगो लगाइएको थियो। जसले गर्दा उद्घाटन समारोहमा आउने फ्रान्सेली नागरिकलाई अप्ठ्यारो भएको थियो। यससँगै वर्षाले पनि केही अवरोध गरेको थियो।
![olympics (8).jpg](https://www.himalkhabar.com/uploads/editor/Sports/peris olympics/olympics (8).jpg)
तथापि फ्रान्सको इतिहास, कला र खेलकूदबारे दुई हजार संगीतकार तथा कलाकारले विचलित नभई प्रस्तुति राखेका थिए। १०० वर्षपछि दोस्रो पटक ओलम्पिक आयोजना गरेको फ्रान्सले उद्घाटन समारोहलाई भने चित्ताकर्षक बनाएको थियो।
उद्घाटन समारोहमा बोल्दै अन्तर्राष्ट्रिय ओलम्पिक समिति (आईओसी)का अध्यक्ष थोमस बाचले संसारभरका खेलाडी विश्वलाई शान्तिका लागि एकताबद्ध गर्ने कार्यक्रमको हिस्सा भएको बताए।
ओलम्पिकका ३२ वटा खेलमा १० हजार ५०० खेलाडीले प्रतिस्पर्धा गर्नेछन्। गए राति शुरू भएको ओलम्पिक साउन २७ गतेसम्म चल्नेछ।
![olympics (30).jpg](https://www.himalkhabar.com/uploads/editor/Sports/peris olympics/olympics (30).jpg)
![olympics (29).jpg](https://www.himalkhabar.com/uploads/editor/Sports/peris olympics/olympics (29).jpg)
![olympics (20).jpg](https://www.himalkhabar.com/uploads/editor/Sports/peris olympics/olympics (20).jpg)
![olympics (6).jpg](https://www.himalkhabar.com/uploads/editor/Sports/peris olympics/olympics (6).jpg)
![olympics (11).jpg](https://www.himalkhabar.com/uploads/editor/Sports/peris olympics/olympics (11).jpg)
![olympics (12).jpg](https://www.himalkhabar.com/uploads/editor/Sports/peris olympics/olympics (12).jpg)
![olympics (13).jpg](https://www.himalkhabar.com/uploads/editor/Sports/peris olympics/olympics (13).jpg)
![olympics (14).jpg](https://www.himalkhabar.com/uploads/editor/Sports/peris olympics/olympics (14).jpg)
![olympics (17).jpg](https://www.himalkhabar.com/uploads/editor/Sports/peris olympics/olympics (17).jpg)
![olympics (18).jpg](https://www.himalkhabar.com/uploads/editor/Sports/peris olympics/olympics (18).jpg)
![olympics (2).jpg](https://www.himalkhabar.com/uploads/editor/Sports/peris olympics/olympics (2).jpg)
![olympics (3).jpg](https://www.himalkhabar.com/uploads/editor/Sports/peris olympics/olympics (3).jpg)
![olympics (4).jpg](https://www.himalkhabar.com/uploads/editor/Sports/peris olympics/olympics (4).jpg)
![olympics (5).jpg](https://www.himalkhabar.com/uploads/editor/Sports/peris olympics/olympics (5).jpg)